Picciriddru

Quannu eri picciriddru
ti piacia iucari,
ti piacia curriri,
però a voti carii.

Ti facii mali,
chiancii forti,
sempri chiù forti.
Allura iu vinia subbitu i tia.

Ti cugghia rin terra
e t’abbrazzava figghiu me.
Annacava u me picciriddru,
accussì a chiantava i chianciri.

Ora si fattu ranni figghiu me,
si un omo oramai.
Tu rici chi un ti scanti i nenti.
Ma socchè stu scantu chi vo riri?

Tu ora un curri chiù,
ma cari in terra u stessu figghiu me,
tu un nici nenti,
ma ora sugnu iu ca mi scantu.

Un scurdari chi iu sugnu sempri to patri,
un ti scantari i chianciri cu mia,
iu sugnu sempri insemmula a tia,
picchì iu t’abbrazzu puru ora.

E’ veru che tu si un omo forti,
ma vogghiu viriri u stessu
si a finisci i chianciri
comu quannu eri picciriddru.

 

Piero Cancemi

Picciriddru – LOPCom

Annunci